Er mwyn gweld lleoliad nythod a ddinistriwyd, ewch i'r dudalen mapiau a dewiswch haen y map o Gacwn Asia

Ar 18/06/2024:

Mae 22 o Gacwn Asia wedi'u cofnodi yn y DU yn 2024.

Mae un nythaid o Gacwn Asia wedi'i ladd.

Noder:

• Nid oedd lluniau o Gacwn Asia a welwyd bob amser ar gael.
• Weithiau, mae 'dyddiad yr achos cyntaf o weld Cacynen Asia' yn dangos y rhoddir gwybod am achosion o weld Cacwn Asia yn ôl-weithredol.
• 'Dyddiad cadarnhau gan labordy' yw'r dyddiad y cadarnheir achosion o weld Cacwn Asia gan labordy ac mae'n cynnwys amseroedd danfon.

Rhowch wybod os byddwch yn gweld Vespa velutina, gan ddefnyddio'r ap ‘Asian hornet Watch’ ar gyfer Dyfeisiau Apple dyfeisiau android neu'r ffurflen ar-lein.

Diweddariad Geneteg – Mis Mehefin

Mae'r UWG bellach wedi cwblhau ei waith trapio yn y gwanwyn. Isod, ceir diweddariad ar y canfyddiadau allweddol a chanlyniadau diweddaraf y gwaith dadansoddi geneteg parhaus.

Ar 4 Mehefin, cafodd cacynen Asia arall ei dal yn Four Oaks, Dwyrain Sussex. Anfonwyd y gacynen hon i Fera Science ac fe'i cadarnhawyd yn swyddogol ar 6 Mehefin. Caiff gwaith dadansoddi geneteg ei gwblhau ar y sampl hefyd. Mae hyn yn golygu bod cyfanswm o wyth cacynen Asia bellach wedi'u dal yn yr ardal hon. Mae gwaith dadansoddi'r genoteip wedi'i gwblhau ar saith o'r cacwn ac mae'r canlyniadau yn dangos mai epil y nyth a ddinistriwyd yn Rye, Dwyrain Sussex, ar 15 Tachwedd 2023, yw pob un ohonynt.

Mae'r dadansoddiad o'r gacynen Asia a ddaliwyd yn Denton, Caint, yn dangos mai un o epil nyth a ddinistriwyd yn Alkham, Caint, ar 17 Hydref 2023, ydoedd. Dyma'r ail dro i ni gael tystiolaeth bod nyth yn y DU wedi cyrraedd ei llawn dwf ac wedi gaeafgysgu'n llwyddiannus.

Mae canlyniadau'r dadansoddiad genetig o gacwn a ddaliwyd yn Etchinghill, Caint a St. Margaret’s Bay, Caint yn dangos nad epil unrhyw nythod hysbys a ddinistriwyd yn 2023 ydynt. Fodd bynnag, mae'r canlyniadau yn awgrymu eu bod yn perthyn i gacwn a ddaliwyd wrth gymryd camau brys yn 2023 ond na ellid eu pennu i nyth hysbys. Gallai hyn awgrymu bod nythod na roddwyd gwybod amdanynt yn yr ardaloedd hyn yn 2023. Mae'n bwysig nodi bod yr UWG a Thimau Cacwn Asia lleol wedi cynnal rhaglen wyliadwriaeth estynedig ledled Caint ar ddiwedd tymor 2023, na lwyddodd i ganfod unrhyw nythod eraill.

Mae gwaith dadansoddi geneteg hefyd wedi'i gwblhau ar gyfer y brif nyth a ddinistriwyd ger Caergaint, Caint ar 23 Mai. Nid oedd yn ymddangos bod y frenhines wedi dod o unrhyw un o'r nythod hysbys o 2023. Roedd y nyth ond yn cynnwys chwe larfa, yr oedd pob un ohonynt yn driploid, sy'n golygu bod y frenhines wedi paru ag o leiaf un cacynyn gormes diploidaidd. Os mai hwn oedd yr unig gacynyn gormes roedd y frenhines wedi paru ag ef, rydym yn credu y byddai darpar freninesau o'r nyth hon yn y dyfodol yn anffrwythlon ac na allent ddatblygu'n boblogaeth hyfyw.

Nid ymddengys mai epil unrhyw nythod hysbys o 2023 oedd y ddwy frenhines cacwn Asia arall a gadarnhawyd yn Alkham a Lympne yng Nghaint.