Mae gwenyn llawndwf yn agored i amrywiaeth o glefydau neu barasitiaid. I gael gwybodaeth gynhwysfawr am y clefydau mwyaf cyffredin sy'n effeithio ar wenyn llawndwf yn y DU, gan gynnwys adnabod eu harwyddion a sut i'w rheoli, darllenwch ein taflen gynghorol ar glefydau mewn gwenyn llawndwf.

Mae mag gwenyn mêl hefyd yn agored i amrywiaeth o glefydau, yn ogystal â chlefyd y gwenyn. Dysgwch fwy am y clefydau hyn yn ein taflen gynghorol ar glefyd y gwenyn a chlefydau mag eraill.

At hynny, gall plâu megis gwyfynod cwyr achosi difrod i rannau o gychod gwenyn a chwyr. Dysgwch fwy am sut i drin blychau a fframiau cyn eu storio er mwyn atal plâu yn ein ffeithlen ar fygdarthu diliau.

Hylendid

Er mwyn helpu i leihau'r risg o gael neu ledaenu plâu a chlefydau, mae hylendid da mewn gwenynfa yn hanfodol. Gall dilyn arferion hylendid atal pathogenau sydd ar lefelau isel yn y wenynfa, nad ydynt o bosibl yn dangos arwyddion clefydau, rhag lledaenu. Gall sefydlu nythfeydd er mwyn atal drifftio hefyd helpu i atal plâu a phathogenau rhag lledaenu. I gael rhagor o ganllawiau ar arferion hylendid mewn gwenynfeydd, darllenwch ein ffeithlen ar hylendid mewn gwenynfeydd.

Atal clefydau rhag lledaenu

Weithiau, er gwaethaf ymdrechion gorau'r gwenynwr, mae'n bosibl y ceir achosion o glefyd yn y wenynfa. Pan fydd hyn yn digwydd, mae angen defnyddio dulliau sy'n fwy llym na'r rhai a ddefnyddir ar gyfer hylendid arferol. Bydd hyn yn cynnwys glanhau a diheintio cyfarpar yn drylwyr ac, o bosibl, drin neu ddinistrio fframiau cwyr. I gael help i ddiheintio gwenynfa yn dilyn achosion o glefyd, darllenwch ein ffeithlen ar sut i ddiheintio cychod gwenyn yn dilyn clefyd.